tg-me.com/VVWVT/174
Create:
Last Update:
Last Update:
١٢:٣٣صٌ
.
أكرهك وأحــبك ولا أبيـك وأبيـك
لخبطت فكري ماعرفت الحقيقـه
ماتوقعت أعشقك في يوم وأغليك
لين ماحــبك أشعل بقلبي حريقـه
تاهت بحوري وأنا أدور موانيك
والروح بغيابك وبعـدك غريقـه
والقلب يتبع بالمشاعر خطاويـك
ودروب غيـرك تشكـي الظيقـه
راضي بتعبك وأتحمـل بلاويـك
وماطيق غيرك ولا حتى دقيقـه
انسى اني أكون بيـوم ناسيـك
محداً بعد المحــبه ينسى عشيقه
يفز قلبي لاجابو الناس طاريـك
حـبك قدرعمري ونورك طريقـه
أهديك كلي وانا وكلـي لمغاليـك
وأهديك كل الورد واحلى رحيقـه
من قال ماحـبك ولاأبيـك وأبيـك
هذي خرابيط شاعر بحكم السليقه
ولا الحقيقه تراني مبتلـي فيـك
مثل ظامي يحتري من يبل ريقـه
واخرها تذكرني ليا هلت لياليـك.
انت حــبيب القلب وانت صديقـه.
BY ⊀ محتار
Share with your friend now:
tg-me.com/VVWVT/174